သိပ္ပါလယပရိယတ္တိစာသင်ကျောင်းတိုက်မှ သံဃာတော် (၁၆) ပါးနဲ့ လူ (၅) ဦးမှာ ကိုဗစ်ပိုးတွေ့ရှိ

သိပ္ပါလယပရိယတ္တိစာသင်ကျောင်းတိုက်မှ သံဃာတော် (၁၆) ပါးနဲ့ လူ (၅) ဦးမှာ ကိုဗစ်ပိုးတွေ့ရှိ

တောင်ဥက္ကလာပမြို့နယ်၊ (၁၄) ရပ်ကွက်၊ ဟင်္သာလမ်းအတွင်းက သိပ္ပါလယပရိယတ္တိ စာသင်ကျောင်းတိုက်မှ သံဃာ (၁၆) ပါးနဲ့ လူ (၅) ဦးမှာ ကိုဗစ်ပိုးတွေ့ရှိခဲ့တယ်လို့ တောင်ဥက္ကလာပမြို့နယ် ပြည်သူ့လွှတ်တော်ကိုယ်စားလှယ် ဒေါက်တာစောနိုင်ကပြောပါတယ်။

Covid-19 positive တွေ့ရှိခဲ့တဲ့ သံဃာတော်များနဲ့ လူများကို သက်ဆိုင်ရာ Center များကို ပို့ဆောင်နိုင်ရန် စီစဉ်ဆောင်ရွက်လျက်ရှိတယ်လို့ သူက ပြောပါတယ်။

ဒီဇင်ဘာ (၂) ရက် ဓာတ်ခွဲစစ်ဆေးမှုများအရ ရန်ကုန်တိုင်းဒေသကြီးမှာ Covid-19 ပိုးတွေ့အတည်ပြုလူနာသစ် (၈၉၃) ဦး အနက် တောင်ဥက္ကလာပမြို့နယ်က ပိုးတွေ့လူနာသစ် (၂၈) ဦး ပါ၀င်နေပါတယ်။

မြန်မာနိုင်ငံမှာ Covid-19 ပိုးတွေ့အတည်ပြုလူနာ (၉၅,၀၁၈) ဦး၊ ဆေးရုံဆင်းခွင့်ရသူ (၇၃,၇၄၈) ဦး နဲ့ သေဆုံးသူ (၂,၀၂၈) ဦးအထိ ရှိနေပြီဖြစ်တယ်လို့ ကျန်းမာရေးနှင့်အားကစားဝန်ကြီးဌာနရဲ့ ဒီဇင်ဘာ (၃) ရက် ညပိုင်း ထုတ်ပြန်ချက်အရ သိရပါတယ်။

Photo- ဒေါက်တာစောနိုင်(facebook)